छत्रपती शिवाजी महाराजांचे भाषण लिहिलेले

नमस्कार मंडळी,

सर्वप्रथम सर्वांना नमस्कार आणि शिवजयंतीच्या खूप खूप शुभेच्छा…
जय जिजाऊ, जय शिवराय… 

19 february shiv jayanti speech in marathi: आजच्या लेखांमध्ये आपण छत्रपती शिवाजी महाराजांचे भाषण लिहिलेले बघणार आहोत. हे भाषण तुम्ही 19 फेब्रुवारी शिवजयंतीच्या दिवशी तुमच्या शाळेमध्ये, कॉलेजमध्ये किंवा ज्या ठिकाणी एकोणावीस तारखेला शिवजयंती साजरी होणार आहे त्या ठिकाणी छत्रपती शिवाजी महाराजांचे हे छोटेसे भाषण तुम्ही देऊ शकतात. आजच्या छत्रपती शिवाजी महाराजांचे भाषण लिहिलेले या लेखांमध्ये आपण छत्रपती शिवाजी महाराज जयंती निमित्त अगदी सोप्या पद्धतीने आणि छोटेसे भाषण लिहिलेले आहे जे तुम्हा सर्वांसाठी उपयुक्त ठरेल. चला तर मग भाषण सुरू करूया…

छत्रपती शिवाजी महाराज निबंध  

छत्रपती शिवाजी महाराजांचे भाषण लिहिलेले | 19 february shiv jayanti speech in marathi

19 february shiv jayanti speech in marathi: सन्माननीय व्यासपीठ आणि व्यासपिठावर विराजमान असलेले सर्व प्रमुख पाहुणे,  शिक्षक वृंद आणि विद्यार्थी मित्रांनो, सह्याद्रीच्या काड्या कपारांना हि पाझर फुटेल, डोंगर माथ्यांना हि घाम फुटेल, झाडेझुडपे ही शहरतील आणि विशाल नभाला ही त्यांच्या समोर झुकावे वाटेल, असा लोक कल्याणकारी रयतेचा राजा, मावळ्यांचा सखा, बहुजनांचा कैवारी, अशी छत्रपती शिवाजी महाराजांना कितीही विशेषणे लावले तरीही ते कमी पडतील.

“इतिहासाचे साक्षीदार उभे तुमच्या समोर.. एक एक किल्ला नेहाळावा आठवा शिवरायांचा कारभार”
“दिली उभारी मनाला, झाल्या तलवारी वाऱ्यावरती स्वार.! हर हर महादेव गर्जले ते चार मावळ्यांच्या जोरावर..!

अवघ्या मुठभर मावळ्यांना सोबत घेऊन शिवाजी महाराजांनी आभाळभर शौर्य गाजवले. असे राजे श्री शिवछत्रपती यांचा जन्म १९ फेब्रुवारी १६३० या मंगल दिनी शिवनेरीवर झाला. तोफांचा कडकडाट झाला, सनई चौघडे वाजले आणि साऱ्या आस्मानात आनंदाची उधळण झाली. या दिवशी थोर माता जिजाऊंच्या पोटी दिन दलितांचा कैवारी, रयतेचा राजा छत्रपती शिवाजी महाराजांनी जन्म घेतला.

शिवबांवर आई जिजाऊंनी लहानपणा पासून उत्तम संस्कार करून एक आदर्श व्यक्तिमत्व घडविले आणि अवघ्या १४ व्या वर्षी स्वराज्य निर्माण करण्याचे धाडसी स्वप्न पाहिले आणि त्या दृष्टीने आपली विजयी घोडदौड सुरू ठेवून प्रत्यक्षात उतरविले. स्वराज्यनिर्मीतीच्या या कार्यात त्यांना अनेक अडथळे आले पण ते किंचितही कधी डगमगले नाही त्यांनी स्वराज्य निर्मितीचे आपले कार्य अविरत सुरू ठेवले.

त्यांनी तानाजी, सूर्याजी, बाजीप्रभू, जिवा महाला असे जीवाला जीव देणारे मावळे जमविले. स्वराज्यनिर्मीतीची प्रतिज्ञा, स्वराज्याचे तोरण, गड आला पण सिंह गेला, प्रतापगडाचा पराक्रम, आग्र्याहून सुटका, शाहिस्तेखानाची फजिती असे अनेक प्रसंग त्यांच्या अजोड कार्याची महती पटवून देतात.

गड-किल्ले बोलतात, शिवरायांची गाथा सांगतात,
मराठ्यांच्या पराक्रमाची, साक्ष पटवून देतात!

शिवाजी महाराज नुसते राजेच नव्हे तर एक युगपुरुष होते त्यांनी प्रजेवर अन्याय अत्याचार करणाऱ्यांचा चोख बंदोबस्त केला. नेहमी भावनेपेक्षा कर्तव्य श्रेष्ठ मानले, शक्ती पेक्षा युक्तीने कार्य केले, संपूर्ण आयुष्य प्रजेच्या कल्याणासाठी वाहिले.

शेतकऱ्याच्या गवताच्या काडीलाही धक्का लागू नये म्हणून ते नेहमी झटले. सर्वधर्म समभाव, स्त्रियांप्रती आदर भाव या न्यायाने ते वागले. सिंहाची चाल आणि गरुडाची नजर, स्त्रियांचा आदर, शत्रूची मर्दन असे असावे मावळ्यांचे वर्तन हीच शिवबाची शिकवण.. हीच शिवबाची शिकवण..

मित्रहो असे शिवछत्रपतींचे त्यांचे विचार व कार्य आजही आपल्याला प्रेरणा व ऊर्जा निर्माण करतात म्हणून अशा कर्तुत्ववान व पराक्रमी राजांविषयी व्यक्त होताना शब्दही कमी पडतात.. इतिहासाच्या पानावर रयतेच्या मनावर.. मातीच्या कणावर… आणि विश्वासाच्या प्रमाणावर .. राज्य करणारा राजा छत्रपती शिवाजी महाराज की जय.. ! एव्हढे बोलून माझे भाषण संपवतो.. (छत्रपती शिवाजी महाराजांचे भाषण लिहिलेले )

छत्रपती शिवाजी महाराज इतिहास

शिवरायांच्या पराक्रमाला वंदन! 🚩
एकच नारा, एकच ध्यास,
शिवरायांचे स्वराज्य खास!
🚩 जय भवानी, जय शिवाजी! 🚩 

छत्रपती शिवाजी महाराज जयंती निमित्त भाषण

शिवाजी महाराजांचे छोटे भाषण

सर्व प्रथम, या मंचावर उपस्थित मान्यवर, गुरुजन, आणि माझ्या तमाम शिवप्रेमी बांधवांनो, आपणा सर्वांना छत्रपती शिवाजी महाराज जयंतीच्या हार्दिक शुभेच्छा!

सिंह गर्जे गडावरून, शत्रूच्या उरात धडकी भरे,
शिवबांच्या तेजाने, रणांगणही ज्वलंत जळे।
मावळ्यांच्या संगती, गड राखण्या सिद्ध राय,
तख्तावर न्हवते आसन, तरी राजा छत्रपती शिवराय!

सन्माननीय उपस्थित मान्यवर, गुरुजन, आणि माझ्या सर्व शिवप्रेमी बांधवांनो, आज आपण छत्रपती शिवाजी महाराजांची जयंती साजरी करण्यासाठी येथे एकत्र आलो आहोत. हा केवळ एक उत्सव नाही, तर आपल्या अस्मितेचा, स्वाभिमानाचा आणि प्रेरणेचा दिवस आहे. 

⚔ दुर्ग किल्ले, गडकोट बोलतात,
शिवरायांची गाथा सांगतात!
मराठी माती, मराठा माणूस,
स्वराज्याचा अभिमान मिरवतात!

छत्रपती शिवाजी महाराज हे केवळ एक पराक्रमी योद्धे नव्हते, तर ते एक दूरदृष्टीचे नेते, न्यायप्रिय राजा आणि स्वराज्य स्थापनेसाठी झटणारे महान राष्ट्रपुरुष होते. त्यांचा जन्म १९ फेब्रुवारी १६३० रोजी शिवनेरी किल्ल्यावर झाला. त्यांच्या मातोश्री जिजाबाई या धार्मिक, कणखर आणि दूरदृष्टीच्या होत्या. त्यांचे वडील शहाजी राजे भोसले हे आदिलशाही दरबारात मोठे सरदार होते. जिजाबाईंनी लहानपणापासूनच शिवरायांना रामायण-महाभारताच्या गोष्टी सांगत त्यांच्यात स्वराज्य स्थापनेची जिद्द आणि न्यायप्रिय राजा होण्याची शिकवण दिली. १६४५ मध्ये अवघ्या १५ वर्षांच्या वयात त्यांनी स्वराज्य स्थापनेची शपथ घेतली, आणि त्यानंतर १६४६ मध्ये तोरणा किल्ला जिंकून स्वराज्य स्थापनेच्या दिशेने पहिले पाऊल टाकले. 

पुढे त्यांनी अनेक किल्ले जिंकले, आणि स्वराज्याचा विस्तार केला. गनिमी कावा, उत्कृष्ट सैन्य रणनीती, आणि लोकसंग्रहाच्या बळावर त्यांनी आदिलशाही, निजामशाही आणि मुघलांना मोठ्या प्रमाणात पराभूत केले. १६५९ मध्ये अफजल खानाचा वध, १६६४ मध्ये सुरतेची लूट, आणि १६७० मध्ये सिंहगडाचा विजय या त्यांच्या आयुष्यातील महत्त्वाच्या घटना आहेत. 

परंतु, छत्रपती शिवाजी महाराज केवळ एक पराक्रमी योद्धेच नव्हते, तर उत्कृष्ट प्रशासकही होते. १६७४ मध्ये रायगडावर भव्य राज्याभिषेक होऊन त्यांना छत्रपती म्हणून घोषित करण्यात आले. त्यांनी अष्टप्रधान मंडळ स्थापन करून सुशासन निर्माण केले, महिलांचा सन्मान आणि सुरक्षितता सुनिश्चित केली, न्यायव्यवस्थेत पारदर्शकता आणली आणि शेतकऱ्यांसाठी महत्त्वाचे निर्णय घेतले.

त्यांनी भारताच्या पहिल्या स्वतंत्र नौदलाची स्थापना करून समुद्री सुरक्षा मजबूत केली आणि इंग्रज, पोर्तुगीज आणि सिद्दी यांना मोठे आव्हान दिले. छत्रपती शिवाजी महाराजांचे स्वराज्य धर्मनिरपेक्ष आणि न्यायप्रिय होते, जिथे प्रत्येक धर्माच्या लोकांना समान न्याय मिळत असे. त्यांच्या राजवटीत स्त्रियांवरील अत्याचार हा गंभीर गुन्हा मानला जात असे, आणि त्यांनी आपल्या सैन्याला स्त्रियांबद्दल आदर बाळगण्याचे कठोर आदेश दिले होते. त्यांच्या राजकारणात कधीच स्वार्थ नव्हता, ते फक्त स्वराज्यासाठी झटले. 

अशा या महान राजाचा ३ एप्रिल १६८० रोजी रायगड किल्ल्यावर त्यांचे निधन झाले, पण त्यांचे विचार, त्यांची ध्येयधोरणे आणि त्यांचा आदर्श आजही आपल्याला प्रेरणा देतो. शिवरायांचा खरा वारसा पुढे नेण्यासाठी आपण फक्त घोषणाबाजी न करता त्यांच्या विचारांवर चालले पाहिजे. त्यांचा शिस्त, नीतिमत्ता, न्याय आणि स्वाभिमानाचा वारसा जपण्याची आज खरी गरज आहे. आपण जर खऱ्या अर्थाने शिवरायांचे अनुयायी बनायचे असेल, तर त्यांच्या शिकवणींना आपल्या जीवनात अमलात आणले पाहिजे. चला, आज या पवित्र दिवशी आपण त्यांच्या आदर्शांवर चालण्याची शपथ घेऊया आणि खऱ्या अर्थाने शिवजयंती साजरी करूया. 

शिवनेरी किल्ला माहिती मराठी 

💪 शब्दांत नाही सांगता येणार, शिवबांचे कार्य महान!
आजही प्रेरणा देतो, तो शिवरायांचा स्वाभिमान!

🚩 जय भवानी, जय शिवाजी! 🚩

छत्रपती शिवाजी महाराज भाषण चारोळ्या

छत्रपती शिवाजी महाराजांच्या भाषणशैलीला साजेशा प्रेरणादायी चारोळ्या:

शब्द जरी मोजके, तरी ताशा सारखी गाजती,🚩
शिवरायांचे वचन, रणांगणात वज्रासारखे वाजती!

🚩 रणसंग्राम जेव्हा पेटला, सिंहासन डोलले!
शिवबाच्या पराक्रमाने, औरंगजेबही भोवळले!

🚩 जय भवानी! जय शिवाजी! 🚩

निष्कर्ष

शिवाजी महाराज हे केवळ एक राजे नव्हते, तर ते एक विचारधारा, प्रेरणा आणि स्वाभिमानाचे प्रतीक होते. त्यांच्या शौर्याची गाथा केवळ इतिहासात नाही, तर आपल्या हृदयातही कोरली गेली पाहिजे.

आपण जर खऱ्या अर्थाने शिवरायांचे अनुयायी बनायचे असेल, तर त्यांच्या विचारांवर चालणे आवश्यक आहे. त्यांच्या शिकवणींना आपल्या जीवनात अमलात आणून आपणच खऱ्या अर्थाने हिंदवी स्वराज्याचे सैनिक होऊ शकतो.

🚩 “हर हर महादेव! जय भवानी, जय शिवाजी!” 🚩
धन्यवाद! 🙏